Leaving the police; Opposition Protesting

പൊലീസിനെ കയറൂരി വിട്ടിരിക്കുന്നു; പ്രതിഷേധിച്ച്‌ പ്രതിപക്ഷം സഭ വിട്ടിറങ്ങി

Featured, National

സംസ്ഥാനത്ത് വര്‍ധിച്ചു വരുന്ന പൊലീ​സ് അ​തി​ക്ര​മ​ങ്ങ​ളും ക്ര​മ​സ​മാ​ധാ​ന പ്ര​ശ്ന​ങ്ങ​ളും ച​ര്‍​ച്ച ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് പ്ര​തി​പ​ക്ഷം നി​യ​മ​സ​ഭ​യി​ല്‍ അ​ടി​യ​ന്ത​ര​പ്ര​മേ​യ​ത്തി​ന് നോ​ട്ടീ​സിന് അവതരണാനുമതി നിഷേധിച്ചതില്‍ പ്രതിഷേധിച്ച്‌ പ്രതിപക്ഷം നിയമസഭയില്‍ നിന്ന് ഇറങ്ങിപ്പോയി. കോണ്‍ഗ്രസ് എം​.എ​ല്‍​.എ തി​രു​വ​ഞ്ചൂ​ര്‍ രാ​ധാ​കൃ​ഷ്ണ​നാ​ണ് അ​ടി​യ​ന്ത​ര​പ്ര​മേ​യ​ത്തി​ന് നോ​ട്ടീ​സ് ന​ല്‍​കി​യ​ത്.

പൊലീസിനെതിരെ വ്യാപകമായ പരാതികളാണ് ഉയരുന്നത്. നിരന്തരം പൊലീസ് നിയമം കൈയിലെടുക്കുന്നതായി പരാതി ഉണ്ട്. പൊതുജനങ്ങളോട് പൊലീസ് മോശം പദപ്രയോഗങ്ങള്‍ നടത്തുന്നു. ഇത്തരം സംഭവങ്ങളില്‍ കുറ്റക്കാര്‍ക്കെതിരെ നടപടിയെടുക്കുന്നില്ല. പൊലീസിനെ സര്‍ക്കാര്‍ കയറൂരി വിട്ടിരിക്കുകയാണെന്നും തിരുവഞ്ചൂര്‍ രാധാകൃഷ്ണന്‍ ആരോപിച്ചു. ജനമൈത്രി പൊലീസ് ജനദ്രോഹ പൊലീസ് ആയി മാറിയെന്ന് പ്രതിപക്ഷ നേതാവ് രമേസ് ചെന്നിത്തലയും ആരോപിച്ചു.

എ​ന്നാ​ല്‍, സം​സ്ഥാ​ന​ത്തെ ക്ര​മ​സ​മാ​ധാ​ന​നി​ല ഭ​ദ്ര​മാ​ണെ​ന്ന് മ​ന്ത്രി എ.​കെ. ബാ​ല​ന്‍ പറഞ്ഞു. മുഖ്യമന്ത്രിയുടെ അഭാവത്തില്‍ മ​ന്ത്രി എ.​കെ. ബാ​ല​നാണ് സ​ഭ​യി​ല്‍ മറുപടി പറഞ്ഞത്. പൊ​ലീ​സ് ഉ​ള്‍​പ്പെ​ട്ട ഒ​റ്റ​പ്പെ​ട്ട അ​ക്ര​മ​സം​ഭ​വ​ങ്ങ​ളി​ല്‍ ശ​ക്ത​മാ​യ ന​ട​പ​ടി​യു​ണ്ടാ​കും. കു​റ്റ​ക്കാ​ര്‍​ക്കെ​തി​രേ മാ​തൃ​കാ​പ​ര​മാ​യ ന​ട​പ​ടി സ്വീ​ക​രി​ക്കു​മെ​ന്നും ആ​ല​പ്പു​ഴ​യി​ലും മ​ല​പ്പു​റ​ത്തു​മു​ണ്ടാ​യ പോ​ലീ​സ് അ​തി​ക്ര​മ​ങ്ങ​ളി​ല്‍ ന​ട​പ​ടി​യെ​ടു​ത്തു​വെ​ന്നും മ​ന്ത്രി പ​റ​ഞ്ഞു. കേരളത്തിലെ പൊലീസ് മാതൃകപരമാമെന്ന് പരക്കെ അംഗീകരിക്കപ്പെട്ട വസ്തുതയാണ്. പല അംഗീകാരങ്ങളും ലഭിച്ചിട്ടുണ്ട്. ഒറ്റപ്പെട്ട അക്രമങ്ങള്‍ക്കെതിരെ വകുപ്പുതലത്തിലും നിയമപരമായും നടപടിയെടുക്കുമെന്നും അദ്ദേഹം വ്യക്തമാക്കി.
ഉത്തരത്തില്‍ തൃപ്തിയാകാതെ പ്രതിപക്ഷം ഇറങ്ങിപ്പോകുകയാണെന്ന് പ്രഖ്യാപിക്കുകയായിരുന്നു.

Click Here : – പൊലീസിനെ കയറൂരി വിട്ടിരിക്കുന്നു; പ്രതിഷേധിച്ച്‌ പ്രതിപക്ഷം സഭ വിട്ടിറങ്ങി